Óumbeðinn ruslpóstur

Réttast væri að hætta að fara með þetta í endurvinnslugámana og skila beint til þeirra sem senda manni ruslið.

Flokkunarátaki hleypt af stokkunum

3 sigurvegarar

Það eru 3 sigurvegarar þessara kosninga: Ríkisstjórnin sem hélt velli, Sjálfstæðisflokkurinn sem bætti við sig 3 mönnum og Vinstri grænir sem bættu við sig 4 mönnum. Og vil ég óska þeim öllum til hamingju.

Framsóknarflokkurinn þarf hins vegar að fara að endurskoða stöðu sína, spurning hvort óánægja fólks með landbúnaðarstefnuna bitni svona á framsókn. Svo er augljóst að fólk treystir ekki Samfylkingunni sem tapar nokkru fylgi. Reyndar ótrúlegt hvaða fylgi þeir hafa þegar eina stefna þeirra virðist vera sú að koma Sjálfstæðisflokknum frá. 

Maður hlýtur að vera ánægður með árangur Sjálfstæðisflokksins, þó þeir nái ekki þeim 40% sem ég vonaðist eftir, munar ekki nema 0,8 í mínu kjördæmi Rvk suður. Vekur reyndar furðu mína þessi munur sem virðist alltaf vera sitt hvoru megin Miklubrautar á fylgi Sjálfstæðisflokksins.

Þetta er búinn að vera mikil og skemmtileg törn hjá okkur hér í Breiðholtinu. Héldum úti vefsíðu, breidholtid.is, héldum fjölmenna fundi og tókum á móti gestum og gangandi. Og sjá síðan þennan góða árangur.

Nú þarf Geir bara vinna vel úr þessu og sitja önnur 4 ár með trausta forystu Sjálfstæðisflokksins. Ég get hins vegar lagst upp í sófa, slappað af og farið að spá í sumarfrí.

Ríkisstjórnin hélt velli með minnsta mun

Ókeypis - eða hvað ?

Margir flokkar lofa nú hinu og þessu ókeypis. Það er auðvitað voða gott að fá eitthvað ókeypis. Eða hvað?

Hvað þýðir það í raun og veru þegar við fáum eitthvað ókeypis. Hver er það sem borgar. Er það stjórnmálaflokkurinn sjálfur, eða stjórnmálamaðurinn sem býður eitthvað frítt. Eða er hann að skapa sjálfum sér vinsældir á kostnað einhvers annars.

Hvort sem um er að ræða ríki eða borg þá fá þau tekjur af sköttum sem lögð eru á fyrirtæki eða einstaklinga eða tekjur af þjónustu sem þau veita. Ef á að veita einhverja þjónustu frítt kemur það væntanlega niður á annarri þjónustu sem kostar þá meira. Svipað og ýmis fyrirtæki gera bjóða eina vöru ódýrt en hafa aðra dýrari á móti.

Annað sem ríki og borg geta gert til að veita eitthvað frítt er að hækka skatta eða safna skuldum. Sá kostnaður lendir þá á skattborgurum eða framtíðaríbúum landsins. Og að safna skuldum er ekkert annað en dónaskapur við komandi kynslóðir.

Langeðlilegast er að einstaklingar greiði hófsamt gjald fyrir þá þjónustu sem veitt er og fólk borgi einnig hófsama skatta. Það skapar líka ákveðna virðingu fyrir þjónustunni ef þarf að greiða fyrir hana. Svolítið sem vantar meira af hjá Íslendingum.

 

Lokum Lönguhlíð

Það er löngu komin tími á að loka Lönguhlíð við Miklubraut. Það er alltof mikill tími og mengun sem fer til spillis þarna við gatnamótin af bílum sem eru stopp allan daginn.

Það yfrði þá útfært þannig að einungis verði leyfðar hægri beygjur inn og út af Lönguhlíð við Miklubraut en ekki umferð yfir Miklubraut um Lönguhlíð. Einnig yrði lokað fyrir vinstri beygjur af Miklubraut inn Lönguhlíð.

Þarna eru undirgöng til staðar nú þegar, svo ekki er vandamál með gangandi vegfarendur, spurning að bæta kannski eitthvað aðgengi í göngin. Ég er samt nokkuð viss um að fólk í hlíðum kvartar og kveinar yfir þessari hugmynd. En eftir nokkurn tíma verður fólk ánægt með þetta þegar gegnumstreymis umferð minnkar töluvert.

Bönnuð atriði

Það var náttúrlega meiriháttar þegar maður sá þessa mynd í bíó á sínum tíma. Fyrst þegar veran stekkur á hausinn á kallinum og svo þetta atriði við rólegheitar málsverð. Finnst reyndar merkilegt hvað góð atriðið eru flest úr gömlum myndum eins og Alien og Evil dead, um 30 ára gamlar. Ef maður ætti að nefna nýlega mynd þá væri það helst einhver atriði úr Sixth sense sem kæmi til greina.

Bestu bönnuðu atriðin valin

Menn verða að draga réttar ályktanir

Það er náttúrlega augljóst af þessari rannsókn að Svíar eru afar niðurdregnir eftir inngöngu sína í ESB og þess vegna hefur áfengið þessi dramatísku áhrif. Til að leysa þetta vandamál þarf auðvitað að segja sig tafarlaust úr ESB. Aðgangur að áfengi hefur nánast ekkert breyst, þetta er enn ríkisrekið hjá þeim.

Fleiri Svíar deyja áfengistengdum dauðdaga eftir inngöngu í ESB

Talandi um óþarfa

Ég hef ekki lesið Fréttablaðið frá áramótum og ætla ekki að lesa það aftur fyrr en hætt verður að bera pappírsútgáfuna út í póstkassann hjá mér. Er búinn að hringja í þá margoft og láta vita að ég vilji ekki blaðið en þeir virðast ekki skilja hvað átt er við. Er kominn með 4 fulla plastpoka frá áramótum eingöngu af Fréttablaðinu. Skil ekki hvað er svona flókið við að sleppa því að bera blaðið út til þeirra sem vilja það ekki.

Gerði einu sinni tilraun til að skila blöðum til þeirra í Skaftahlíð en var tjáð að þeir sæu ekki um dreifinguna þar hún væri í Garðabæ. Skiljanlegt að þeir vilji ekki kannast við það.

Hægt að þekja vegakerfi Íslands fimm sinnum með dagblöðum og auglýsingapósti

Blaðarusl

Mikið rétt að klippa tré sem sluta yfir girðingar og hindra umferð um aðliggjandi gangstéttar bæði gangandi og sérstaklega hjólandi vegfarenda. Oft sem það er betra að vera út á götu frekar en flækjast í gróðrinum, sérstaklega í miðbænum. 

Svo er líka vonandi að við sjáum líka eitthvað af blaðamönnum að týna upp eitthvað af þessu blaðarusli sem fýkur út um allar trissur. Það er reyndar ótrúlegt hvað hægt er að troða mörgum blöðum í lúguopið :)

Vorhreinsun í Reykjavík hefst um helgina

Treystum á einstaklingsframtakið

Menn hafa sagt það í gríni að eina leiðin til að eitthvað sé gert í miðbænum sé ef það kvikknar í. Það er sorglegt að þessi gömlu hús frá upphafi byggðar í Reykjavík séu nú nánast horfin. Með þessum bruna fór hluti af sögu borgarinnar.

Að borgarstjóri skuli nú í kjölfarið koma með hugmyndir um að kaupa lóðirnar og byggja í upprunalegri mynd er synd, en samt að hluta skiljanlegt. Vonandi að hann sjái að sér áður en til kemur.

Í dag eru þessar lóðir í eigu einstaklinga og ríkjandi er ákveðið skipulag fyrir miðbæinn sem fara ber eftir. Við sjáum víða við Laugaveginn dæmi um nýjar byggingar sem felldar hafa verið inn í götumyndina með missmekklegum hætti. Þannig viljum við hafa hlutina að einstaklingar setji sinn svip á götumyndina, það gefur henni það líf sem til þarf.

Það er vonandi að Vilhjálmur treysti þessum einstaklingum til að setja sinn svip á miðbæinn með þeim byggingum sem þeir vilja reisa. Ef þeir treysta sér ekki til þess geta þeir sett lóðirnar á sölu og er ég nokkuð viss um að margir athafnamenn hér í bæ hafa góðar hugmyndir sem falla vel inn í götumyndina.

Það er stefna Sjálfstæðisflokksins að treysta einstaklingnum til góðra verka. Nú er tími til.

Reykjavíkurborg vill kaupa hús sem urðu eldi að bráð

Þjóðin kýs reglulega

Á fjögurra ára fresti eru kosningar og þá kjósum við okkar fulltrúa ýmist til borgar- og sveitarstjórnarkosninga eða alþingiskosninga. Þessir fulltrúar okkar eiga að hafa kjark til að taka ákvarðanir á þeim forsendum sem þeir eru kosnir.

Það er því miður til að þessir fulltrúar okkar þora ekki að taka ákvarðanir, sem gætu jafnvel skapað þeim tímabundnar óvinsældir og vilja því í þeim tilfellum vísa ákvörðunum til fólksins. Eða reyna að skapa sér vinsældir með því að leyfa fólki að ráða. Það er slæmt og eiga slíkir fulltrúar ekki að vera kjörnir aftur.

Ég tel að það eigi að vera sem sjaldnast sem kosið er um einstök mál. Það má líka sjá það á þeim málum sem kosið hefur verið um. Annaðhvort er svo mjótt á munum að varla má á milli sjá hvor hafði betur eða þáttaka almennings er svo lítil að maður spyr er ekki betur heima setið en af stað farið.

Hvenær á þjóðin að kjósa?