Enn taprekstur á RUV

Ríkisrekstur eins og við þekkjum hann best. Allt á kúpunni. Ég man ekki betur en þetta séu reglulegar fréttir 200 - 300 milljóna króna tap á hverju ári. Reyndar rúm 400 núna.

Það er löngu kominn tími á að selja þessa stofnun með húð og hári. Og synd að einungis sé stigið smá hænuskref í þá átt með ohf-væðingunni sem er núna um mánaðamótin. Það er engin ástæða fyrir ríkið að vera með puttana á afþreyingarmiðlum.

Það er ekki eins og dagskráin hjá RUV-miðlum sé eitthvað til að hrópa húrra fyrir.

Tap á rekstri RÚV 420 milljónir á síðasta ári

Synd að missa af leiknum

Glæsilegur sigur hjá mínum mönnum. Og hefði örugglega verið gaman að horfa og sjá skemmtilegt spil Liverpool.

Það er hins vegar synd að sjónvarpsstöðvar hér geti ekki boðið upp á að kaupa einstaka viðburði, eins og beinar útsendingar. Það er erfitt að réttlæta það að vera áskrifandi að mörgum stöðvum þegar maður horfir ekki mikið.

Crouch með þrennu í 4:1 sigri Liverpool á Arsenal

Nú verður að taka á þessum slóðum..

sem eru að þvælast um bæinn á ónegldum dekkjum í svona vetrarfæri. Það á bara að klippa af svona mönnum á staðnum, stórhættulegir sjálfum sér og öðrum og hafa ekkert vald á bifreiðinni.

Maður er alltaf að heyra um að menn skilji bílana bara eftir þessa daga sem snjói. Það væri allavegana rétt af þeim að leggja ekki af stað fyrr en sólin er komin upp svona upp úr kl. 10

Tafir og umferðaróhöpp einkenndu umferðina í morgun

Hvers vegna er bara leyfður 30 km hraði þarna!!

Þarna á hiklaust að vera leyfður 50 km/h. Maður hálf vorkennir löggunni að standa í þessu að stöðva fólk þarna þar sem eru góðar aðstæður og sér vel til allra átta.

Ökumenn ítrekað stöðvaðir fyrir hraðakstur í Arnarbakka í Breiðholti

Loksins snjór í Reykjavík

Það var mikið að smá snjór birtist hér í bænum. Vonandi að þetta haldist fram yfir páska. Og við fáum eitthvað sem kallast geti vetur. Það væri jafnvel möguleiki fyrir fólk að komast á skíði.

Snjóþekja á vegum á vesturhluta landsins

Bara hugsa áður en framkvæmt er

Það fyrirkomulag sem nú gildir hjá Isnic finnst mér eðlilegt, fyrstur kemur fyrstur fær. ég er algjörlega ósammála að fyrirtæki fái sjálfkrafa önnur lén með/án séríslenskum stöfum þegar þau panta sitt lén. Það er hlutur sem fyrirtæki og einstaklingar verða að ákveða sjálf þegar þau panta og borga þá sérstaklega fyrir.

Það er svo önnur spurning hvort rétt sé að taka upp séríslenska stafi í lénanöfnum!! Hvað ef maður er staddur erlendis og enginn möguleiki á að koma inn séríslenskum stöfum? En þetta er víst eitthvað sem búið er að ákveða.

 

Dýrara að skrá lén hér en annars staðar

Merkilegt....

..voru við stjórnvöllinn í 12 ár en ég man ekki eftir lækkun í strætó á þeim tíma. Nú er kominn ný stjórn og þá fá þeir hugmynd um að lækka.

Þetta er svo sem ágætis hugmynd hjá þeim og hlutur sem ég hef oft nefnt. Svo þyrfti reyndar að einfalda leiðakerfið, aftur!!

Lagt til að fargjald í strætó lækki í 100 krónur í mars

Kemur ekki á óvart og þó...

fjöldi þeirra sem tekin er kemur ekki á óvart, það sem kemur helst á óvart er hversu margir eru yfir hundrað.

Nú er það svo að það er mjög mismunandi hraði sem leyfður er innan höfðuðborgarsvæðisins, 50, 60, 70, og mest 80. Ég keyri frekar mikið og er ekki frá því að hraðinn í Ártúnsbrekku hafi lítið breyst eftir að hafa verið hækkaður í 80, bara mín tilfinning. Vandamálið er að hraðinn breytist einnig lítið eftir að komið er framhjá Grensásvegi, en þar er leyfður lægri hraði, þar þykir eðlilegt að keyra vel yfir hraðamörkum og restina af Miklubraut.

Svo er einnig með götur þar sem leyfður er 50 og 60 km/h hraði og 2 og jafnvel 3 akreinar aðskildar með víravirki eins og sumsstaðar á Miklubraut og fleiri stöðum. Ég var einmitt stoppaður á Miklubraut á rétt rúmlega 80 km/h að kvöldi til, þar sem leyft er 60 km/h, en á daginn keyra þarna nánast allir á 80 km/h, það sem maður lærir er að ef umferðin minnkar þarf að keyra hægar því þá er löggan að mæla !!

Það sem ég er að reyna að segja er að fólk er hætt að bera virðingu fyrir hraðamerkingum vegna þess að þær eru of lágar. Því legg ég til að þar sem eru 2ja og 3ja akreina götur með aðskildar akstursstefnur eins og Miklubraut, Reykjanesbraut, Breiðholtsbraut og Sæbraut verði hraðinn umsvifalaust hækkaður í 80 km/h og síðan tekið hart á þeim sem aka hraðar. Þannig að raunhraði breytist lítið.

Það er svo góð spurning hvað beri að gera við þá sem fara yfir hundrað innan höfuðborgarsvæðisins, sjálfsagt að gera bílinn upptækan svona mánuð eins og skírteinið, og að nýjir ökumenn hafi takmörkuð réttindi við hestafla tölu eða vélarafl per þyngd fyrstu 2 árin.

 

17 ára á 135 km hraða í Ártúnsbrekkunni

Ruslpóstur

Mikið er rætt stundum um ruslpóst. Er þá oftast átt við þann sem kemur í tölvupósti, óumbeðinn. Eihvern veginn fer hann lítið í taugarnar á mér. Ég er yfirleitt tiltölulega snöggur að smella á delete hnappinn.

Það er hins vegar annar ruslpóstur sem fer meira í taugarnar á mér og það er sá póstur sem kemur inn um póstlúguna, óumbeðinn. Þá er ekki nóg að smella bara á delete hnappinn. Er ég að meina óumbeðinn auglýsingapóst, matarbæklinga, sjónvarpsdagskrár og fréttablöð. Vilji maður vera vistvænn, þá er náttúrlega farið með þetta í næsta pappírsgám, með tilheyrandi bensíneyðslu. Einnig er möguleiki að henda þessu líka beint í lúguna, en þetta krefst hreyfingar umfram tölvupóstinn.

Eitt er ákaflega slæmt með þennan póst eins og sjá má á meðfylgjandi mynd. En það er náttúra þeirra sem bera út þessi blöð og bæklinga að setja þetta einungis að hluta til í póstkassann, eða yfirfylla póstkassann af margra daga gömlum blöðum, ef viðkomandi er ekki heima nokkra daga í röð. Afleiðingu af þessu má sjá er hvessa tekur og blöð og pappír tekur að fjúka um allar trissur.

Einhvern veginn efast ég um að hönnuðir og auglýsendur hafi þetta í huga þegar bæklingur/blað er borin út. Og get ekki ímyndað mér að þetta sé góð auglýsing fyrir viðkomandi.

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.