Engin breyting!

Samkvæmt þessari könnun yrði engin breyting þó kosið yrði nú. Núverandi meirihluti nýtur stuðnings 58,4% kjósenda samkvæmt þessari könnun. Í dag erum við að kjósa flokka en ekki ríkisstjórn. Það mætti hins vegar velta fyrir sér ýmsum möguleikum í þá att. Það hefur aldrei verið þannig að allir sem kusu ákveðin flokk séu sáttir við það samstarf sem flokkurinn fer í eftir kosningar.

31,6% stuðningur við stjórnina

Misskilningur minn!!

..eða hvað?

Ég hélt að allt væri í blóma í ESB, peningar kæmu bara af himnum ofan og menn þyrftu ekki að hafa áhyggjur af neinu. Mikil atvinna, góð laun og ódýr matur, eitthvað annað en hér !!

Hver ætli borgi svo þetta, það skyldi þó aldrei koma fram í hærri sköttum á aðildarríki?

ESB undirbýr 130 milljarða evra björgunarpakka

Betra en evra

Við eigum að fara að hætta þessu tuði um að taka upp evru og finna betri lausn. Ein hugmynd er sú að útbúa myntkörfu sem gæti t.d. innihaldið dollar og evru ásamt kannski 2 öðrum myntum, miða kannski við okkar helstu viðskiptalönd. Síðan mætti tengja gengi krónunnar við þessa myntkörfu.

Með sama hætti mætti taka stýrivexti seðlabanka úr sambandi og miða við stýrivexti evrópusambandsins eða bandaríkjanna plús kannski 2-3% vegna smæðar gjaldmiðils. Þetta eru atriði sem við ættum að geta framkvæmt nokkuð fljótlega jafnvel látið taka gildi við lok næsta árs. 

Ekkert sem útilokar evru

Virðingarleysi eykst

Það er nokkuð ljóst að samkvæmt þeim tölum sem hér birtast eru ekki margir ökumenn að virða þessar 30 km/h merkingar. Og kemur það mér ekki á óvart. Ef bíll er keyrður á 30 km/h fær maður á tilfinninguna að hann sé nánast stopp.

Það er eitt líka sem ég held að sé að gerast þar sem svona óeðlilega lágur hraði er settur að virðingarleysi fyrir hraðamerkingum eykst og þar af leiðandi lögum líka. Samkvæmt mælingu í annarri götunni eru um 60% sem keyra of hratt, ef lögreglan stoppar eingöngu þá sem fara yfir 35 km/h þá má gera ráð fyrir að um eða yfir 70% keyri yfir hámarkshraða. Þá eru fáir orðnir eftir löglegir!!

76 ökumenn myndaðir í dag

Full gróft, en..

Án þess að maður sé að afsaka hvað þessi ökumaður gerði fer maður að velta fyrir sér hvers vegna. Nú keyri ég reglulega austur fyrir fjall og töluvert hér í bænum og tel mig vita nokkuð um aðstæður, þó ég hafi verið heldur seinna á ferðinni.

Það eru þrjú vandamál á leiðinni austur sem þarf að leysa strax, áður en þolinmæði bílstjóra brestur með þeim hætti sem við sjáum hér. Fyrsta vandamálið eru tvö hringtorg við Rauðavatn. Annað vandamálið er hringtorg við Hveragerði. Þriðja vandamálið er Selfoss og gegnumakstur þar.

Hringtorg eru góð til síns brúks þar sem temmileg umferð er, en þau henta alls ekki þar sem umferð er mjög mikil, eins og verður um helgar á þessum þremur stöðum. Þegar fjöldi bíla kemur keyrandi á ca. 80-90 km/h og þarf skyndilega að draga úr hraða niður í 20-30 km/h þá myndast tappi, eins og hefur verið að gerast allt of mikið undanfarnar helgar. Fyrsti tappinn byrjar þegar fólk reynir að komast út úr bænum við hringtorgin við Rauðavatn. Næsti tappi við Hveragerði og síðan við Selfoss. Og svo aftur á leiðinni til baka þá er aðaltappinn við Rauðavatn.

Þessi vandamál þarf að leysa strax. Fjarlægja austara hringtorgið við Rauðavatn og setja slaufu á vestara hringtorgið. Setja slaufu á gatnamótin við Hveragerði. Setja aðalumferðina framhjá Selfossi, þ.a. þeir sem ætla ekki að stoppa á Selfossi þurfi ekki að keyra þar í gegn.

Einhverjir hafa verið að gagnrýna framúrakstur á heilli línu hér í blogginu. Ég geri ráð fyrir að þeir hafi ekki keyrt oft austur fyrir fjall. Verri merkingar á vegi eru varla til. Eins og sjá má dæmi um af eftirfarandi mynd úr kömbunum þar sem sjá má til Hveragerðis og langleiðina til Selfoss hvort bíll er á móti eða ekki. Þá er þarna tvöföld heil lína. Þetta er ekki eina dæmið á þessari leið um kolrangar merkingar. Þarna eru oft stórir og þungir bílar sem keyra hægt vegna krapprar beygju neðar og gott útsýni framundan. Ég er ekki að mæla með framúrakstri á heilum línum, heldur vonast til að merkingar verði bættar.

Hættulegur framúrakstur

Illa hannað gatnakerfi við borgarmörkin

Ótrúlegt að það þurfi alltaf einhverja aukatíma til að komast inn og út úr bænum, eins og þetta skipulagsslys við Rauðavatn. 2 hringtorg til að stoppa umferð inn og út úr bænum á leið austur fyrir fjall. Löngu úrelt fyrirkomulag þar sem svona mikil umferð er.

Var einmitt að koma í bæinn núna rétt fyrir miðnætti, og var að koma að Litlu kaffistofunni þegar allt stoppar allt í einu. Keyrum á svona 30 km/h að Sandskeiði en þá eykst örlítið hraðinn upp í allt að 70 km/h. Hef ekki heyrt um neitt slys og sá ekki merki um neitt í þá veru á leiðinni og tel því að hér séu hringtorgin tvö að sanna gildi sitt enn einu sinni. Svona hægur akstur er ekki til bóta og eykur verulega líkurnar á framúrakstri.

Sama er að segja um hringtorgið við Hveragerði sem ber að fjarlægja strax og setja slaufu. Það er ekki bjóðandi upp á þennan hægagang af og til þó örlítið fleiri bílar en venjulega bregði sér út fyrir borgarmörkin.

Þung umferð á hringveginum

Löngu kominn tími á að selja...

allt batteríið eins og það leggur sig.

Það er tímaskekkja að vera með ríkisrekna afþreyingu. Og skekkir alla heilbrigða samkeppni.

Ég hef lengi haft ákveðna hugmynd um hvernig er best að selja RUV. Fyrst er að skipta hlutafénu í tvennt. Gefa annan helminginn þeim dyggu og skilvísu greiðendum afnotagjalda gegnum árin sem aldrei hafa mótmælt þessari fásinnu. Hinn helminginn verði síðan seldur á svipaðan hátt og bankarnir voru seldir að fólk skrifar sig fyrir hlut. Eftir þessa sölu verður loks hægt að tala um fjölmiðil almennings.

RÚV fækkar stöðugildum um 20

Ruslpóstur

Var að koma heim áðan. Maður er núna farinn að sjá grasið, eða a.m.k. hluta af því, þann hluta sem er ekki þakinn ruslpósti. Ruslpóstur er óumbeðinn ómerktur póstur eða blöð. Ég skoðaði soldið af þessum pappírsrusli sem var fjúkandi um og er megnið af því frá Fréttablaðinu!!!

Nú veit ég ekki hvort fólk hendi því blaði frekar út en öðrum blöðum, tel það samt frekar ólíklegt. Það eru til ágætis ruslatunnur hér. Hef hins vegar tekið eftir að blaðberar Fréttablaðsins virðast vera lélegri blaðburðarmenn en aðrir. Þar sem mjög oft má sjá Fréttablaðið standa að megninu til fyrir utan lúguna og er þá ekki að því að spyrja ef eitthvað hvessir, sem skeður nú stundum hér, að allt fýkur út um allt.

Nú hef ég verið að velta fyrir mér, þar sem ég er orðinn nokkuð þreyttur á að vera alltaf að bera Fréttablaðið úr póstkassanum og yfir í ruslatunnuna hvort ekki sé mögulegt að kæra þá fyrir dreifingu ruslpósts. Veit að menn hafa verið að berjast hart gegn ruslpósti í tölvuheimum. Það væri kannski möguleiki að setja ruslpóstsíu á póstkassann sem Fréttablaðið kemst ekki í gegn en annar póstur fer greiðlega framhjá. Góð hugmynd fyrir hönnuði að sýna hvað þeir geta. Það er líka umhverfisvænt fyrir blöðin að vera ekki að bera út fleiri blöð en þarf.

Betra seint en aldrei

Má vera að hafi beðið álitshnekki. Spurning hvort þeir ætli loksins að fara að slá af í vaxtaokri sínu. Það er allavega nokkuð ljóst að nú þegar gengi krónunnar er orðið eðlilegra er orðinn góður tími til að skipta yfir í erlent lán, ef bankarnir leyfa það aftur.

Ég hef a.m.k. ekki mikla trú miðað við þessi orð að það verði mikil breyting á stefnu bankans.

Það er synd, eins og Davíð Oddsson var góður stjórnmálamaður, þá virðist rekstur bankans eitthvað vefjast fyrir honum. Eða... það eru kannski bara hinir sem stjórna? Spurning hvort það er ekki löngu kominn tími á að vera bara með einn seðlabankastjóra.

Fjármálastofnanir skortir traust

Of hratt eða hvað?

Meðalhraði ökumanna undir 50, svo ég bara spyr Hvers vegna er verið að sekta þessa aðila?

Fyrir sig að sekta þessa 28, sem voru yfir 50 km/h.

Það er bara óeðlilegt að ætlast til þess að menn keyri venjulegar götur á 30 km hraða. Ég hjóla oft hraðar en það, spurning hvort ég yrði tekinn ef ég hjólaði fram hjá þeim á um 40 km/h. Vil reyndar taka fram að ég þekki ekki nákvæmlega aðstæður þarna. En það er orðið á alltof mörgum stöðum við góðar aðstæður að settur er 30 km/h á götu. Það er kannski svo hægt sé að sekta fleiri?

Man eftir orðum eins borgarfulltrúa í útvarpsviðtali sem dásamaði þessi 30 km/h hverfi og sagði að menn héldu sig þá kannski undir 50 km/h.

Mikið um hraðakstur í Hafnarfirði