Frelsi einstaklinga vs. ríkisrekstur

Aldrei þessu vant er nokkuð skýrt val í kosningum. Oft hefur verið erfitt að velja en ekki nú. Viljum við standa í sömu sporum eftir 2 ár eða viljum við sjá eitthvað gerast strax. Rifjum upp hvernig staðan var 1991, kannski ekki ósvipuð og nú: miklar skuldir, atvinnuleysi og ríkið með puttana í öllum atvinnurekstri. Síðan tók við blómlegt skeið.

Í dag stöndum við frammi fyrir 2 valkostum, þ.e. frelsi einstaklinga eða ríkisrekstur. Uppsveifla eða stöðnun. Sjálfstæðisflokkur eða Samfylking og Vinstri grænir.

Við höfum heyrt tillögur þeirra: Lækka laun og hækka skatta. Engin olíuleit á drekasvæði. Innganga í ESB og upptaka evru... eftir 10 ár.

Valið er auðvelt þegar málin eru skoðuð.

Kjörstaðir opnaðir klukkan 9

Um hvað snúast kosningar?

Núna velta margir fyrir sér "Hvern á að kjósa?". Er þetta allt saman eins. Um hvað snúast kosningar? Sumir kjósa um málefni. Mér finnst það óttaleg skammtíma hugsun. Í kosningum á að hugsa til framtíðar.

Í mínum huga snúast kosningar um stefnu. Menn eiga að velja milli hægri eða vinstri stefnu eða eitthvað þar á milli. Sumir vilja ekki kannast við það í dag að til sé eitthvað hægri og vinstri í stjórnmálum. Tala jafnvel um félagshyggju í stað vinstri. Þetta eru bara gömul hugtök. Eða hvað?

Hver er munurinn á hægri og vinstri. Í stuttu máli trúa hægri menn á að einstaklingnum sé best treystandi fyrir peningum, en vinstri menn trúa að ríkinu sé best treystandi fyrir peningum. Hægri menn vilja yfirleitt draga úr ríkisrekstri en vinstri menn auka ríkisrekstur. Þetta er hægt með ýmsu móti, t.d. breytingum á sköttum, þ.e. hversu miklu einstaklingar og fyrirtæki halda eftir af peningum sínum. Út frá þessu deila menn um hversu öflugt velferðarkerfið eigi að vera. Hverjar eiga að vera grunneiningar ríkisreksturs og hvað á ríkið ekki að sjá um.

Reynum að líta aðeins á þá flokka sem eru í boði fyrir komandi kosningar og raða þeim upp frá hægri til vinstri:

·         Sjálfstæðisflokkur - hægrisinnaður, frelsi og framtak einstaklingsins, styður velferðarkerfi og ríkisrekstur, lága skatta, ekki "hreinn" hægri flokkur, of nálægt miðju

·         Frjálslyndi flokkurinn - hægrisinnaður flokkur stofnaður vegna kvótakerfis

·         Samfylking - jafnaðarmannaflokkur, miðjuflokkur, hægri sinnaður í sumum málum en yfirleitt til vinstri, skattlagning vegna "góðra" verka, vill koma lýðveldinu í hendur útlendinga

·         Framsóknarflokkur - miðjuflokkur, frjálslyndur vinstriflokkur, sveitaflokkur, gamaldags

·         Vinstri grænir - gamaldags vinstri flokkur, skattkerfi til launajöfnunar, skattleggja ríka, umhverfisvernd umfram nýtingu 

·         Borgarahreyfing - stofnaður um nokkur málefni líðandi stundar, neyðarráðstafanir og persónukjör

·         Lýðræðishreyfing - stofnaður um nokkur málefni líðandi stundar, persónukjör og beint lýðræði

Ég vona að þessi samanburður auðveldi valið. Mér finnst eðlilegast að einstaklingar ráðstafi sínu fé sjálfir. Það séu lágir skattar og lítil afskipti ríkisins af lífi manns. Ríkið sjái um ákveðin grunnatriði eins og lagasetningu, löggæslu og utanríkismál og ákveðna lágmarks heilsugæslu og menntun.

Við höfum haft það gott undanfarin ár. Látum ekki tímabundinn samdrátt draga okkur niður. Horfum bjartsýn til framtíðar og kjósum rétt.

Landráðsflokkur

Það er semsagt þriðjungur fólks sem vilja landráðsflokkinn. Flokkur sem vill koma landinu undir erlenda stjórn, en vill samt setja í stjórnarskrá að náttúruauðlindir verði í þjóðareign. Flokkur sem vill að við afsölum okkur fullveldinu en reynir að slá ryki í augu fólks með að reyna að setja lög um stjórnlagaþing. Stjórnlagaþing sem mun ekki hafa nokkur áhrif þar sem ætlunin er hvort eð er að sækja um ESB aðild. Flokkur sem skiptir um skoðun eftir því hvað skoðanakannanir segja. Eða hvaðan vindur blæs. Það er nokkuð augljóst að þetta eru ekki sannir íslendingar.

Þriðjungur myndi kjósa Samfylkingu

Árlegt vandamál

Þetta er búinn að vera viðvarandi hallarekstur hjá RUV undanfarin ár. Yfirleitt þetta um 500 milljónir í mínus á hverju ári. Það virðist ekki hafa breytt neinu þó nú sé þetta orðið OHF.-félag. Þeir hafa afnotagjöld, auglýsingar og fasta greiðslu frá ríkinu, og þar að auki borgar ríkið allan tapreksturinn hvert einasta ár.

Það er löngu kominn tími á að þessi stofnun verði seld í heilu lagi. Eða réttara sagt gefinn þeim sem greitt hafa afnotagjöld undanfarin ár, og eru í raun lögmætir eigendur þessarar stofnunar. Það er ekki forsvaranlegt að ríkið hendi meiri pening en komið er í þessa stofnun.

Ég get rétt ímyndað mér gleðina hjá fólki þegar það fær 17.000 kr. glaðning á mann frá skattinum í ágúst þegar afnotagjöldin verða innheimt!

Skuld RÚV breytt í hlutafé

Tvöföld atkvæðagreiðsla sjálfsögð

Það er sjálfsagt að kjósa tvisvar. Það er mikill sparnaður fólginn í því, ef það er fellt í fyrstu kosningunni um hvort hefja eigi aðildarviðræður eða ekki. Þá er óþarfi að vera að hóa saman sendinefnd til að semja um eitthvað sem enginn áhugi er á hvort eð er.

Ef svo ólíklega vill til að samþykkt væri að fara í aðildarviðræður þá hefði sendinefndin ákveðið umboð frá þjóðinni til að leita samninga. Þeir samningar yrðu svo að sjálfsögðu líka bornir undir atkvæði.

Tvöföld atkvæðagreiðsla tilgangslítil

Hvers vegna konur?

Maður bara spyr? Hvers vegna er verið að kjósa svona konur á þing. Þær sýna það að lokum hversu lítið vit þær hafa á hlutunum. Með því að banna atvinnustarfsemi sem eftirspurn er eftir, fara viðskiptin bara fram undir yfirborðinu. Við sjáum hvernig ástandið er í fíkniefnaheiminum. Fíkniefni eiga að vera bönnuð, en þau flæða um allt.

Ef ætlunin er að berjast gegn mansali þá væri nær að koma allri þessari starfsemi upp á yfirborðið. Með því að gera hana löglega. Þá er hægt að hafa reglur og innheimta skatta og gjöld af þessu og fylgjast með því sem er að gerast. Það mætti setja á fót vændishús, fyrir bæði karla og konur. Þar væri fylgst með fólkinu, t.d. regluleg læknisskoðun og þá færu menn (og kvenmenn) frekar þangað.

Það þarf að fara að hætta þessum eilíflega eltingaleik að banna allt, af því það gæti verið eitthvað ósiðlegt sem fylgir. Það endar líklega með því að banna hjónabönd fólks. Hvað er það annað en vændi þegar ríkur karl giftist ungri konu.

Ísland ríður á vaðið

Aldrei í ESB

Þetta staðfestir það sem ég hef alltaf sagt. Við vitum um hvað ESB snýst. "geti þeir hugsanlega fengið tímabundna undanþágu" segir allt sem segja þarf. Samningar sem gerðir verða við inngöngu eru ekki varanlegir og einungis tímabundnar undanþágur.

Islendingar hafa ekkert að sækja í ESB nema stöðnun og viðvarandi atvinnuleysi. En við töpum fullveldi okkar og frelsi, og við töpum yfirráðum yfir auðlindum okkar.

Vill Ísland í Evrópusambandið

Kom ekki á óvart

Í huga Ögmundar er ekki til sparnaður og hagræðing. Nú verða bara hækkaðir skattar til að standa undir þessu.

Ef ég heyrði rétt í fréttum áðan átti að spara um 400 milljónir króna með þessari hagræðingu. Það eru náttúrlega smámunir í huga Ögmundar þegar kemur að kosningavíxlum.

Óbreytt starfsemi á St. Jósefsspítala

Skemmdarvargar

Nú þarf lögreglan að fara að taka sig á og setja þessa skemmdarvarga inn yfir nóttina. Búnir að eyðileggja útsendingartæki og eignir Hótel Borgar. Það er einkenni þegar maður er á ferð erlendis og verður var við mótmæli að þeir láta nánast undantekningarlaust útlendinga og hótel í friði. Það er augljóst að hér eru óvitar á ferð sem fara ekki í umboði fólksins.

Kryddsíld lokið vegna skemmdarverka

Slaufu strax!

Þarna vantar slaufu strax, þetta eru gatnamót sem eru löngu sprungin. En því miður vegna umhverfisverndar mátti ekki taka örfáa metra af Elliðaárdalnum svo slaufan komist fyrir yfir götuna. Ég er reynda nokkuð viss um að þessi lokun minnki umferð um Bústaðaveg og aðliggjandi götur til lengri tíma litið, og óþarfa gegnumakstur minnkar.

Annars hefði ég viljað sjá aðra nálgun. Þar sem aðal vandamálið er seinni part dags þegar Sæbraut, Miklabraut og Suðurlandsbraut stíflast oft langar leiðir vegna þessara gatnamóta. Réttara hefði verið að loka fyrir báðar vinstri beygjurnar á milli 16 og 19.

Ég á stundum erindi þarna í bústaðahverfi og ég fer oft Reykjanesbrautina og síðan Miklubraut og þaðan upp á Réttarholtsveg, niður í Fossvog, finnst það oft greiðfærara.

Hverfisráð leggst gegn lokun vinstri beygju