Í tilefni dagsins!

Konur og bílar

Svo er verið að tala um betri ökumenn?

	Tveir slösuðust í árekstri í Hörgárdal
Ábyrgðarmaður færslu Tenging við þessa frétt hefur verið rofin vegna kvartana.

Athugasemdir

[Pálmi Óskarsson (IP-tala skráð) 20.6.2007 kl. 10:44]

Ekki veit ég deili á þér Kristján, en finnst satt að segja að þú ættir að skammast þín fyrir svona ábyrgðarlaus komment um hluti sem þú hefur engar forsendur til að fjalla um.  Þarna slettirðu út í loftið fullyrðingum um tvær slasaðar konur, sem eru í engri aðstöðu til að verja sig.  Slíkt er ekki fallegt eða drengilegt.

Ég vil ekki þurfa að lesa svona aftur, og bið menn að gæta tungu sinnar....

Pálmi Óskarsson

Læknir á Slysadeild FSA

[Hjörleifur Hjartarson (IP-tala skráð) 20.6.2007 kl. 11:10]

Takk fyrir Pálmi. Ég varð satt að segja orðlaus við að lesa þessa ömurlegu athugasemd um móður mína sem þarna átti í hlut og í þann veginn að fara að upplýsa þessan Kristján um ástand hennar og alvöru málsins en læt það vera.

Hjörleifur Hjartarson

[Halldór Eldjárn (IP-tala skráð) 20.6.2007 kl. 12:47]

Þetta blogg segir mér meira en þú heldur um þig. Þú ert greinilega eitthvað mikið andlega skaddaður.

Þetta er ekkert tækifæri til að vera sniðugur fíflið þitt.

[Edda Björk Ármannsdóttir, 20.6.2007 kl. 15:46]

Það er engu að bæta við þetta. Það er greinilega eitthvað mikið að hjá þér.

[Kristján Hreinsson, 20.6.2007 kl. 17:41]

Mér þykir leitt ef ég hef sært einhvern með þessum athugasemdum og vil biðja viðkomandi afsökunar.

Ég sá þarna frétt um 2 konur sem lentu í árekstri, það var ekki getið um líðan þeirra og ég kannast ekki við þær að öðru leyti, og er þetta ekki meint persónulega gegn þeim.

Fannst þetta hins vegar tækifæri til að skjóta á fólk sem telur konur betri bílstjóra, en það er greinilega hættulegt að tala á léttum nótum um umferðarslys á þessum tímum.

[Halldór Eldjárn (IP-tala skráð) 20.6.2007 kl. 19:15]

Þú verður að gera þér grein fyrir að allir sem skoða fréttina sjá titilinn á blogginu þínu við hliðina á fréttinni. Þú ert efstur þar. Þetta er eitthvað sem ég myndi kalla "óviðeigandi tengingu við frétt".

Mér finnst líka að fréttir eins og þessi ættu ekki að hafa þann möguleika á að einhver geti tengt blogg við hana. Þetta var einfaldlega slys og ekkert við því að segja. Þetta er raunverulegur atburður útí þjóðfélaginu og þar sem við búum á litlu landi þá eru meiri líkur á að random einstaklingur væri einhvernveginn tengdur þeim sem lenti í slysinu.

Þess ber að geta að ég er frændi Hjörleifs sem skrifar hér fyrir ofan, og ef ég væri í hans sporum, þá væri ég búinn að kæra þig sem og blog.is samfélagið.