Frekari ástæða til að fara ekki í miðbæinn

Skil ekki alveg hvaða tilgangi þetta á að þjóna. Verslanir loka kl. 18 og þá er bara spurning með matsölustaði og pöbba. Það er kannski of mikið af íslendingum sem fer út að borða á kvöldin og þarf að rýma aðeins til fyrir útlendinga, svo þeir geti verið í friði. Þetta þýðir væntanlega aukavinnu fyrir starfsmenn Bílastæðasjóðs við að sekta lengur á kvöldin.

Held það væri sniðugra að taka upp skífur, svipað og á Akureyri. Þá myndi fólk kannski leggja leið sína oftar í bæinn til að versla.

Ætla að lengja gjaldskyldutímann

Hver ber ábyrgð?

Hver ber ábyrgð á svona framkvæmdum eins og segir í textanum "umferðarlög og reglugerðir um merkingar þverbrotnar". Það er til skammar hvernig staðið er að merkingum gangbrauta í Reykjavík. Má nefna Gömlu Hringbraut sem dæmi þar sem gangandi vegfarendum er att yfir götuna, en nánast engar merkingar gagnvart ökumönnum. Og svo spyr maður hver skyldi hafa átt hugmynd að nýrri framkvæmd við Suðurlandsbraut og Reykjaveg þar sem beygjuakreinar eru fjarlægðar og gangandi vegfarendur sem fara yfir Reykjaveg þurfa að fara yfir 2 akreinar eigandi von á beygju-umferð í stað einnar áður. Og ef einhver skyldi álpast til að ganga Reykjaveg í suður og ætla yfir Suðurlandsbraut þá má viðkomandi hrósa happi ef hann kemst yfir, þar er aldrei frítt fyrir gangandi að fara yfir 2 akreinar, annað hvort umferð vestur Suðurlandsbraut eða uppsöfnuð umferð af hægri beygjuakrein af Reykjavegi.

Ég spyr hver ber ábyrgð. Áður hefði maður sagt Gatnamálastjóri borgarinnar. En hann virðist gufaður upp. Það embætti hefur sjálfsagt verið lagt niður um leið og ákveðið var að engar gatnaframkvæmdir yrðu í borginni næstu 10 árin. Þá lítur maður á Umhverfis og skipulagssvið og sviðsstjóri þar sem hlýtur þá að vera ábyrgðarmaður yfir því klúðri sem nú er í gangi í borginni. Það ætti að vera fyrsta verk næsta meirihluta í borginni að skipta um þann sem ber ábyrgð á þessu. Og ráða einhvern sem fer eftir lögum.

Gangbrautir illa eða rangt merktar

Ekki auðvelt að skipta um banka

Ástæðan er auðvitað sú að það er ekki auðvelt að skipta um banka á Íslandi. Ef öll viðskipti eru í einum banka og hugmyndin er sú að fara í annan. Þá þarf að borga lántökukostnað af lánum sem flutt eru á milli. Það þarf að endurnýja kort og sjálfvirkum greiðslum þarf að segja upp og stofna aftur. Og ýmislegt fleira vesen. Þar að auki er engin munur þannig lagað á bönkunum hérlendis og lítill hagur í að skipta um. Einn möguleikinn að skipta væri í raun ef einhver erlendur banki kæmi hingað eða lögum yrði breytt og einstaklingum væri leyft að vera með viðskiptabanka erlendis.

Halda tryggð við bankan sinn

Breytum fasteignagjaldinu

Við þessa breytingu hefði mátt breyta fasteignagjöldunum með því að taka út eða lækka tunnugjaldið og leyfa fólki að velja það fyrirtæki sem það vill skipta við.

Nei, þess í stað eru nú allir að segja upp tunnum hjá einkaaðilum, rekstur borgarinnar eykst og samkeppni minnkar. Það mun svo auðvitað leiða til hærri kostnaðar fyrir fasteignaeigendur í framtíðinni.

Það er ágætt ef fólk flokkar strax það rusl sem frá því gengur. En best væri ef fólk breytti neysluvenjum sínum. Minnkaði t.d. notkun á pappír með því að afþakka allan ruslpóst. Ég er með póstlúguna merkta þannig en samt kemur alltaf af og til Fréttatíminn og Fréttablaðið. Spurning hvort viðkomandi aðilar sem dreifa blaðinu kunni ekki að lesa.

Rúmlega 200 tunnur skildar eftir

Kemur ekki á óvart

Hef aldrei talið það vænlegt til árangurs að lýsa yfir stríði gegn þegnum sínum vegna þess að þeir sækja í einhverja vöru. Eina leiðin sem mér finnst raunhæf til að koma einhverri reglu á hlutina er að lögleiða þetta og fara með eins og áfengi. Fullorðið fólk geti keypt fíkniefni löglega og við náum þá vonandi að vernda börn og unglinga. Auðvitað verður eitthvað hlutfall fólks sem kann ekki með þetta að fara, nákvæmlega eins og með aðrar vörur. Með því að lögleiða fíkniefni er gróðavoninni kippt undan fíkniefnasölum. Og í kjölfarið myndi ofbeldið í kringum þetta minnka. Spurning hvort það séu ekki helst þeir sem eru á móti lögleiðingu því þá hverfur gróðinn.

Stríðið gegn fíkniefnum að tapast

Ruglingsleg gata

Það er alveg komin tími til að laga þetta nafnamál. Það kemur ekkert fram um það hvers vegna þetta gekk ekki fram. En ég treysti mönnum til að finna gott nafn á götuna, ef það er vandamálið.

Upphaflega var Stekkjarbakki gatan frá Álfabakka milli bensínstöðvar og Stekkja upp að Stekkjum, þá var beygt af Reykjanesbraut inn á Álfabakka. Síðan lengist Stekkjarbakki smám saman út að Breiðholtsbraut. Á einhverjum tímapunkti breytist Stekkjarbakki og fær tengingu við Reykjanesbraut og Höfðabakka, og innkeyrslu við Álfabakka er lokað. Að lokum, líklega þegar slaufan var sett á Reykjanesbraut við Aktu-taktu, var lokað á Stekkjarbakka fyrri og hann náði bara hluta leiðar að Stekkjum, en fara þurfti um hringtorg og ljós að Stekkjarbakka seinni til að komast að seinni afleggjara að Stekkjum. Lengi hefur staðið til að færa Stekkjarbakka seinni norðar, þannig að gatan verði bein, og lengja Stekkjarbakka fyrri að seinni afleggjara að Stekkjum. Þá verður hægt að fjarlægja ein umferðarljós. Spurning hvort það verði einhvern tíma gert.

Einum hlut hef ég oft verið að velta fyrir mér með Stekkjarbakka fyrri, hvort ekki megi fjarlægja umferðarljósin þar við Álfabakka og Arnarbakka og setja hringtorg í staðinn. Í kjölfarið mætti síðan loka fyrir vinstri beygjur út frá Nettó og Garðheimum, menn noti þá hringtorgin til að snúa við.

Ekki samþykkt að breyta nafni Stekkjarbakka

Harma framkomið aðalskipulag

Skil ekki hverju fólk er að fagna hér. Það skilur ekki alveg hlutverk Reykjavíkur sem höfuðborgar. Hér er mest öll stjórnsýsla og þjónusta niðurkomin. Og nú virðist ætlunin að loka hana af í 101 og þangað kemst enginn nema labbandi, eða hjólandi. Ætlunin er að fjarlægja flugvöllinn og vera með nánast engar gatnaframkvæmdir næstu 17 árin samkvæmt þessu skipulagi. Gatnamál í borginni eru í ófremdarástandi og koma ekki til með að skána miðað við þetta framtíðarplan, ef plan skyldi kalla.

Ef fólk væri með einhverjar alvöru hugmyndir um þéttingu byggðar þá væri ekki inni tillaga um að takmarka hæð húsa í miðbænum. Og ef fólk er í alvöru að tala um þéttingu byggðar má þá ekki líka byggja út í drullupollinn í miðri borginni, þar er stórt ónotað svæði, sem má nýta ef flugvöllurinn fer. Þannig að þetta hjal um þéttingu byggðar er loftbóla, ætlað að slá ryki í augu fólks og fela getuleysi við skipulag. Það er þó eitt jákvætt sem ég sé við þetta plan og er það hlutur sem ætti að vera kominn miklu lengra í uppbyggingu, en það er uppbygging norðvestur af miðbænum, þ.e. svæði frá miðbænum að gamla Ellingsen. Svæði sem hefur verið lengi til skammar. Mættu reyndar vera stærri byggingar þar.

Það er allavega nokkuð ljóst hvaða þrjú ég mun ekki kjósa í næsta prófkjöri. Greinilegt að hreinsa þarf soldið til í hópa borgarfulltrúa.

Fagna tillögu að aðalskipulagi

Enn vitlaust hjá Seðlabanka

Það er kannski 2007 enn hjá Seðlabankanum. Þá voru þeir hvað æstastir í að mynda bólu og kepptust um að hækka stýrivexti, betur en nokkur annar í heimi. Ísland alltaf stærst !! Það er kannski markmið Seðlabanka að vera alltaf með hæstur stýrivexti í heimi á Íslandi. Nú er einmitt einkenni hjá öðrum að bregðast við minnkandi hagvexti með lækkun vaxta, sem voru þó lágir fyrir. En hér skal haldið fast við sinn keip. Hagvaxtarhorfur versna, verðbólga minnkar, m.a.s. gengið hefur styrkst, og allt útlit fyrir stöðnun og niðursveiflu. En það er samt ekki ástæða til að lækka stýrivexti og reyna að koma hjólum atvinnulífsins af stað.

Hagvaxtarhorfur hafa versnað

Hagur heimilanna

Kosningarnar snúast um að rétta af hag heimilanna eftir óstjórn síðustu stjórnar. Sífelldar skattahækkanir og hótanir í garð atvinnuvega hafa verið daglegt brauð. Hagvöxtur er nú í lágmarki og einkaneysla dregst saman, og það eina sem stjórnin segir er "Það varð hrun". Nú er komið nóg, horfum fram á veg. Það þarf að lækka skatta og gjöld og einfalda kerfið. Með lægri sköttum hefur fólk meira milli handannna, fær að ráðstafa sínum fjármunum sjálft í stað þess að ríkið ráðstafi því fyrir viðkomandi. Það er mín skoðun að einstaklingar fari betur með eigið fé heldur en stjórnmálamenn. Í því felst munurinn á hægri og vinstri mönnum. Og þess vegna er alltaf réttur tími til að lækka skatta. Eini flokkurinn sem hefur sagt hreint út að hann ætli að lækka skatta er Sjálfstæðisflokkurinn. Þess vegna er það eini flokkurinn sem stendur vörð um hag heimilanna.

Kjósum rétt. X-D

Kjörfundur hefst í fyrramálið

Upplýst ákvörðun!!

Eru það bara aðildarsinnar sem geta tekið upplýsta ákvörðun? Ég bara spyr. Ég er búin að taka upplýsta ákvörðun um það að ég vill ekki ganga í Evrópusambandið. Ég ásamt meirihluta þjóðarinnar, skv skoðanakönnunum, viljum ekki ganga í ESB. Það er upplýst ákvörðun okkar. Við vitum hvernig ESB er í dag og hvernig það hefur verið. Og erum þess vegna mjög upplýst í þeirri ákvörðun okkar.

Þeir sem tala um að sjá samninginn eru að villa um fyrir fólki. Það er ekkert í samningnum nema tímasetningar á því hversu langan tíma það tekur okkur að taka upp regluverk ESB. Það eru engar undanþágur frá reglunum. Þess vegna má segja að þeir sem vilja sjá samninginn séu illa upplýstir. Í dag er búið að fara gegnum 1/3 af 35 bálkum ESB á 4 árum, með sama áframhaldi þarf 8 ár í viðbót til að klára. Það kostar pening og tíma. Þess vegna er lang eðlilegast að kosið sé um það strax hvort þessari vitleysu sé haldið áfram eða ekki. Það er þjóðhagslegur sparnaður að hætta þessum viðræðum.

Vilja ljúka viðræðunum við ESB