Hver er í minnihlutahóp?

Sú hugsun skýtur upp kollinum hver er í minnihlutahóp? Eru það múslimar, samkynhneigðir eða Gústaf. Hér virðist vera kominn upp einhvers konar rétttrúnaður. Ekki má hafa aðra skoðun en meirihlutinn segir til um. Það má ekki segja neitt um múslimi eða samkynhneigð, sem fellur ekki að réttri skoðun, þá er maður slæmur maður! Ég hélt það væri frelsi til að tjá skoðanir sínar hér á landi. Sumir tala um trúfrelsi, ritfrelsi og skoðanafrelsi, en bara ef allir eru sammála. Hvaða frelsi er það?

Trúfrelsi felur það ekki í sér að fólk þurfi ekki að þola gagnrýni. Það felur í sér frelsi til að trúa. Það að einhver trúi því að hann sé í vitlausum líkama er leyfilegt, en viðkomandi þarf þá líka að þola það að einhver sé ekki sammála honum. Það geta verið skiptar skoðanir um hlutina. Það verður aldrei friður um öfgahópa sem þola ekki gagnrýni. Það er auðvitað mjög gott að skipa þannig í nefndir að engin umræða skapist. Eða hvað?

Ekki andstæðingar minnihlutahópa

Timi á að selja RUV

Löngu kominn tími á að selja þessa stofnun eins og hún leggur sig. Nú er fólk meira að segja farið að gefast upp á áramótaskaupinu. Þetta hefur verið fastur punktur um áramót að horfa á skaupið og ræða það síðan eftir á. Mismunandi brandarar og gert grín að því sem gerðist á árinu. Nú eru breyttir tímar. Grínið horfið og eingöngu ádeilan eftir á kerfið. Ádeila sem fólk skilur ekki nema harðir áhorfendur RUV.

Skaupið kostaði um 20-25 milljónir og miðað við það er alveg ótrúlegt hve illa tókst til. Greinilegt að það snýst ekki allt um pening þegar gera skal gott grín. Rekstur RUV er komin í um 4 milljarða og væri þeim peningum miklu betur varið í annað. Allavega dauðsé ég eftir mínum fjármunum sem ég er skikkaður af ríkinu til að borga í þessa vitleysu.

Færri horfa á skaupið

Saltaustur í frosti

Ég kom út í bíl á fimmtudag eða föstudag og þurfti að skafa af rúðunum. Kannski verið báða dagana. Alla vega svo keyrir maður af stað á fínum bílnum og í saltpæklinum sem er á götunum þá sullast auðvitað eitthvað á rúðurnar. Maður setur þurrkurnar á og þá dreifist aðeins úr drullunni, svo reynir maður að nota pissið en þá er það frosið.

Hef oft verið að velta fyrir mér hvort þessi mikli saltaustur borgi sig. Það er reyndar ákveðinn kostur að þurfa ekki að slá af þó að komi vetur því hálka nær varla að myndast. Það er líka ákveðinn hætta í því að maður keyrir kannski á aðalgötu þar sem er vel saltað. Kemur svo inn í minni götu sem er lítið eða ekkert söltuð og þá getur verið að maður komi þar full geyst. Það er líka hætt við því að fólk keyri meira um á vanbúnum bílum í vetrarfærð þar sem það gerir ráð fyrir að götur séu hreinsaðar jafnóðum.

Vel ber að hreinsa rúðurnar

Ruglingslegt

"þeir skullu á vöru­bif­reið sem þveraði reiðhjóla­stíg" og síðan "Hjól­reiðamenn­irn­ir voru á fullri ferð þegar þeir sáu skyndi­lega bíl á stígn­um". Það er eiginlega aðal spurningin hér, hvar þveraði vörubíllinn hjólreiðastíginn. Var það einhvers staðar þar sem bíllinn átti ekki heima, þar sem hann virðist hafa komið hjólreiðaköppunum í opna skjöldu. Eða er hægt að draga þá ályktun af fréttinni að hjólreiðamenn fari á "fullri ferð" yfir gatnamót og geri ráð fyrir að bifreiðar stoppi í tæka tíð. Hvað er verið að tala um mikinn hraða þegar talað er um "fulla ferð". Ég veit að ég hef náð 50 km/h hraða á mínu reiðhjóli. Ég ætla að vona að menn bruni ekki yfir gatnamót á þeim hraða, það myndi kallast tilraun til sjálfsmorðs. 

Skullu á bíl sem þveraði hjólastíg

Menningarnótt ekki fyrir alla

Er Menningarnótt bara fyrir þá sem búa í miðbænum eða nógu nálægt til að geta gengið. Það eru tæpir 10 km í miðbæinn úr Breiðholti, Grafarvogi og enn lengra frá Kjalarnesi. Gangi þeim vel að ganga í bæinn!!

Ég sá bílum lagt við túnbletti við BSÍ og fannst það bara fínt. Bílarnir ekki fyrir og nýta grasbletti sem standa auðir allt árið hvort eð er. Það er hins vegar markviss stefna yfirvalda í borginni í samvinnu við lögreglu og bílastæðasjóð að koma fólki úr miðborginni með góðu eða illu. Auk þess að takmarka fjölda að skipulögðum atburðum eins og fótboltaleikjum. Það er kannski ástæða fyrir dræmri þáttöku á leikjum Fjölnis, framganga lögreglu við sektarúthlutun á leikjum snemma sumars?

Þetta er kannski hluti af tekjuöflun til að standa undir kostnaði við rekstur Menningarnætur. Rúmar 5 milljónir í tekjur á móti kostnaði við frían strætó, kostnað við flugeldasýningu, kostnað við skipulagningu, kynningar og auglýsingar o.fl. Það er spurning hvað svona skemmtun kostar okkur borgarbúa. Bæði Menningarnótt og Gay pride hálfum mánuði fyrr. Það mætti kannski draga úr framlögum í þessar skemmtanir og lækka útsvar á móti, sem er núna í hámarki í Reykjavík.

Metfjöldi sekta á Menningarnótt

Annað hvort eða

Ég hlustaði á útvarpið í morgun þar sem rætt var við ferðafrömuð. Hann talaði um að rétt væri að flytja Reykjavíkurflugvöll til Keflavíkur og bjóða ferðamönnum þá upp á beint flug út um allt land. Einnig talaði hann um að Reykjavík væri sennilega mest sótti ferðamannastaðurinn og fólk yrði greinilega vart við það ef það gengi um miðbæinn. Það er sjálfsagt rétt hjá honum en spurning hversu lengi það myndi endast ef flugvöllurinn færi?

 

Þetta er annað hvort eða talsmáti, sem einkennir soldið þessa umræðu um flugvöllinn. Og mér finnst hann ennfremur sýna mikið skilningsleysi á framsetningu sinni, nema það sé hugmynd hans að draga úr ferðamannastraumi til Reykjavíkur. Ef áhugi væri fyrir því hjá ferðamönnum að fljúga beint frá Keflavík eitthvað út á land, sé ég ekki að það ætti að vera vandkvæðum bundið að bjóða upp á þá þjónustu, sama hvað verður með Reykjavíkurflugvöll. Það ætti að snúast um framboð og eftirspurn.

 

Mér finnst við eigum að hætta þessu annað hvort eða og fara að bjóða upp á valkosti. Leyfa fólki að velja það sem því finnst heppilegast. Mér finnst nær að efla Reykjavíkurflugvöll. Heimila t.d. flugvélum sem uppfylla ákveðna hávaða- og mengunarstaðla að lenda í Reykavík. Það gætu þá orðið flugvélar sem fljúga á styttri leiðum til nágrannalanda okkar eins og t.d. færeyingar, sem hafa sótt um leyfi til að fljúga hingað á örlítið stærri vélum en Fokker.

 

Þá fer maður að spá í samgöngur og umferðarmál. Í dag, ef maður ætlar að skreppa til London þarf fyrst að keyra í tæpan klukkutíma og síðan flug út. Væri ekki nær að geta tekið leigubíl eða strætó í 10-15 mín út á flugvöll og fljúga síðan beint til London. Eða jafnvel taka innanlandsflug að hámarki klukkutíma og síðan beint flug til London. Þess vegna eigum við að efla Reykjavíkurflugvöll.

 

Tökum íbúa á Akureyri sem langar í leikhús, tónleika eða þarf að sinna einhverjum erindum í Reykjavík. Hann hefur tvo möguleika, annað hvort flug eða bíll. Gefum okkur að búið sé að breyta gjöldum þ.a. þessir tveir samgöngumátar kosta jafnmikið. Hann hefur þá val um að fara með flugi tæpan klukkutíma og síðan leigubíl eða strætó á hótel í miðbæ Reykjavíkur. Eða nota einkabíl í 4 tíma keyrsla í miðbæ Reykjavíkur að hótelinu. Hvorn möguleikann tækir þú?

 

Nú er markmið þeirra sem stjórna í borginni að fækka bílum og hvetja fólk til að ganga eða hjóla. Á sama tíma stefna þessi sömu yfirvöld á að fjarlægja flugvöllinn úr Reykjavík. Væri ekki nær að efla flugið og gefa fólki kost á að velja. Koma upp öflugu innanlandsflugi og gera það samkeppnishæfara við bílinn með því að lækka gjöldin á því. Nú er það þannig að þeir sem eru í innan við 300 km fjarlægð við borgina koma á bíl þangað. Það má kannski snúa þessu við og efla flugvelli á t.d. Blönduósi (244 km) og Hellu (93 km) og draga þannig úr umferðinni. Það þarf ekki miklar breytingar á núverandi flugvelli, eins og t.d. Ómar hefur bent á. Það er kannski helst að vanti samgöngumiðstöð sem ég hef nefnt hér áður.

 

Ég tel að ef þessi ferðafrömuður fengi að ráða og við færðum innanlandsflug til Keflavíkur þá værum við nánast að leggja það niður. Það yrði eingöngu flogið á Egilsstaði og Vestmannaeyjar, og þaðan væri auðvitað hávær krafa um göng til lands. Menn hefðu ekki lengur val um ferðamöguleika, heldur væri einkabíllinn eini raunhæfi kosturinn. Það hefði í för með sér kröfur um miklu öflugra vegakerfi. Er það það sem þú vilt?

Hátt bylur í tómri tunnu

Samkvæmt skoðanakönnunum eru aðildarsinnar rúm 30%. Þeir láta nú öllum illum látum til að koma málstað sínum að. M.a. ljúga þeir að fólki um að hægt sé að fá einhvern samning sem er síðan kosið um. Aðlögunarferlið snýst ekki um að fá samning sem er síðan kosið um. Ég hef skrifað um það áður hvað felst í aðlögunar viðræðum, en þá er farið yfir hverju munar milli okkar reglna og ESB reglna og sett niður áætlun um á hve löngum tíma við aðlögumst að ESB reglum. IPA styrkir eru notaðir til þess að aðstoða aðlögunarríki að aðlagast reglum ESB. Þeir eru náttúrlega felldir niður af ESB þar sem þeir telja okkur ekki vera lengur í aðlögunar viðræðum. Þess vegna er eðlilegt að draga umsóknina til baka.

Það er spurning hvernig er statt með rannsóknarblaðamennsku hér á landi. Og bara almenna fréttamennsku. Hvers vegna spyrja menn ekki hvað þetta aðlögunarferli hefur kostað okkur. Hvað komum við til með að borga mikið í ESB? Hvað græðum við á að ganga í sambandið? Hver sér um utanríkisviðskipti okkar? Hver sér um alþjóða samninga fyrir okkur?

Ég hlusta ekki á RUV. Sé ekki tilganginn með að fá vinstri vitleysuna og ríkisáróðurinn frá þeim. Les vefsíður á netinu og horfi á erlendar stöðvar. Hingað til hef ég líka horft á Stöð 2. En undanfarnar vikur er mér farið að blöskra málflutningur þeirra varðandi ESB málefni. Og hef verið að velta fyrir mér hvort maður ætti að segja upp þeirri stöð. Ég hugsa stundum þegar ég hlýði á fréttir þeirra og spyr mig: "Er ég að styrkja þennan áróður?

Tvö þúsund manns á Austurvelli

Þróun í samræmi við stefnu borgaryfirvalda

Stefna borgarinnar í dag er að koma fólki úr miðbænum. Bankarnir bregðast eðlilega við þessu með því að flytja í jaðar miðbæjarins. Kæmi ekki á óvart þá Landsbankinn færi líka að hugsa sér til hreyfings og eftir örfá ár verði einungis 2 lítil útibú eftir í miðbænum til að þjónusta ferðamenn og gangandi vegfarendur.

Það er spurning hvort maður eigi að hafa áhyggjur af þróuninni. Er ekki bara eðlilegt að fólk sæki þjónustu í nærumhverfi frekar en að þvælast milli bæjarhluta. Ég sé fyrir mér að miðbærinn er að verða eitthvað ekki fyrir venjulega íslendinga, nema þá á kvöldin. Þar verði ferðamannaverslanir, pöbbar, veitingastaðir og einstaka sérverslanir.

Svo er reyndar spurning hvort þessi breyting nái inn í Borgartún líka, þegar fólk verður orðið þreytt á umferðarstíflum þar, eftir nýjustu skemmdarverk, og fyrirtæki færi sig lengra austur.

Tvö bankaútibú í miðborginni

Áróðurinn að skila sér

Áróður borgarinnar gegn vel búnum ökutækjum er greinilega að skila sér samkvæmt þessari frétt. Við þær aðstæður sem hafa verið í dag þegar snjóruðnings- og söltunartæki hafa varla undan við snjókomunni þá dugar lítið að vera á bílum á heilsárs- eða sumardekkjum, og lítið annað að gera en leggja ökutækinu meðan veðrið gengur yfir. Eða skipta yfir á alvöru vetrardekk. Spurning hvort sparnaður við vetrardekk skili sér þegar tjónin eru tekin með í dæmið.

Margir árekstrar á höfuðborgarsvæðinu

Gleymdist á sínum tíma

Seðlabankinn gleymdist á sínum tíma þegar aðrir ríkisbankar voru seldir. Og hafði það skelfilegar afleiðingar sem rétt sér fyrir endann á. Honum tókst að koma stýrivöxtum í 18% og er það sjálfsagt heimsmet í afglöpum efnahagsstjórnunar. Afglöpin halda áfram, nú eru stýrivextir 6%, mörgum sinnum hærri en í þeim löndum sem við miðum okkur við. Og samt eru gjaldeyrishöft enn við lýði. Maður spyr hvað er verið að gera með svona stofnun?

Vill skoða breytt hlutverk Seðlabankans